ޚަބަރު ދީން މުޖުތަމަޢު އަޚްލާޤް އަޤީދާ ވާހަކަ
ގާގަނޑު ޖޫނިއަރސް ފުޓްސަލް ފިއެސްޓާ 2020 ފަށައިފި

ރ. މީދޫގައި ހިންގަމުން އަންނަ ފުޓްސަލް ޓީމެއްކަމަށްވާ ގާގަނޑު އެފް.ސީން ކުރިއަށް ގެންދާ ’ގާގަނޑު ޖޫނިއަރސް ފުޓްސަލް ފިއެސްޓާ 2020‘ މިއަދު ހަވީރު ފަށައިފިއެވެ.

17 އަހަރުން ދަށުގެ ކުދިންނަށް ހުޅުވާލައިގެން ކުރިއަށް ގެންދާ މި މުބާރާތުގައި ޖުމްލަ 4 ޓީމަކުން ބައިވެރިވެފައިވެއެވެ. މި މުބާރާތުގައި މިއަދު ހަވީރު ދެ މެޗު ކުޅެފައިވާއިރު ފުރަތަމަ މެޗުގައި ބައްދަލުކުރީ އެފް.ސީ އާދޭސް އަދި އެފް.ސީ ޔުނައިޓެޑެވެ. މި މެޗު 8-0 އިން ކާމިޔާބުކުރީ އެފް.ސީ ޔުނައިޓެޑެވެ.

އެފް.ސީ އާދޭސް އަދި އެފް.ސީ ޔުނައިޓެޑު ބައްދަލުކުރި މެޗުގެ މޭން އޮފް ދަ މެޗު

މުބާރާތުގެ ދެވަނަ މެޗުގައި މިއަދު ހަވީރު ބައްދަލުކުރީ ސްޕައިލެކްސިޔާ އެފް.ސީ އަދި ޒެފްރޯސް އެފް.ސީއެވެ. މި މެޗު 3-1 އިން ކާމިޔާބުކުރީ ޒެފްރޯސް އެފް.ސީންނެވެ. މި މުބާރާތުގައި ވާދަ ކުރާ ޓީމުތަކުން މުބާރާތަށް ވަރަށް ފުރިހަމައަށް ތައްޔާރުވެފައިވާކަން ފާހަގަކޮށްލެވެއެވެ.